De Neelder Garde is een gezellige verzameling van miense die rondjom- en mit de vastelaovend sjpas en plezeer make.
Dit klupke is opgerich mit halfvaste 2004 door ongerangere Rudi Kuijltjes. Dit is geine onbekinde in de Neelder vastelaovend en in de sjötterswaereld. Al ein paar jaor leep hae mit de gedachte om ein garde op te richte zowie det auch in de sjtad het geval is. Dao löp namelik de Prinselikke Sjtadsgarde rondj en die doon dao goot werk. Ze probere dao het water taege te haaje van de Roer en de Maas, maar waem mót dan de grens in de gate haaje dach Rudi biej zien eige: Det mót De Neelder Garde waere.
D'r waerde eine oproop geplaats in de Forte, veur de neet kinners dit is het liefblaad van sjötterie St. Urbanus oet Neel, mit de vraog of d'r mesjiens een paar miense ware die mit Rudi inne vastelaoves tied op sjtap wolle gaon, want nao zien vertrek bie de Prinsekepel van de Katers veulde hae zich ein klein bietje allein. Toet zien grote verwonjering melde zich ein gans leger gardiste aan en toen wis hae ut zeker, hae dach bie zien eige, dao geit miene vrieje tied.
Nao de oprichtingsvergadering waerde de leeje geteld. 32 sjtöks mer leefs besjtaonde oet 20 volwassene en 12 kienjer waas ut resultaat. De veurbereidinge koste beginne, d'r mós geldj opgehaold waere om de kleijer en de medalies te betale.
Ouch mós drök op zeuk gegange waere nao sjponsors die in grote getale gevonje waerde en wo veer heel bliej mit zeen, maar d'r mos auch gewerk waere om aan geldj te komme.
Zo waerde onger angere rommelmerte georganiseert in juni en oktober biej kefee 't Dörp in Neel. Ouch moste medalies oetgezoch waere want det heurt d'r toch ech biej zo'n vetlaere op de jas. Dao veur waerde gans Limburg doorgekros en oeteindelik zeen de medalies in Kirkraoj gevonje. De medalies zeen ontworpe door John Paffen van de KKS (De Kling Kirchröatsjer Sjtadjarde) en veer zeen erg trots op ós medalies! De Neelder Garde besjteit oet: een meziekkorps, marketentsters, gewaer dragers, unne kok en dansmerietjes. In de Neelder en Remunjse optoch komp geer ós vas en zeker taege...
Dit klupke is opgerich mit halfvaste 2004 door ongerangere Rudi Kuijltjes. Dit is geine onbekinde in de Neelder vastelaovend en in de sjötterswaereld. Al ein paar jaor leep hae mit de gedachte om ein garde op te richte zowie det auch in de sjtad het geval is. Dao löp namelik de Prinselikke Sjtadsgarde rondj en die doon dao goot werk. Ze probere dao het water taege te haaje van de Roer en de Maas, maar waem mót dan de grens in de gate haaje dach Rudi biej zien eige: Det mót De Neelder Garde waere.
D'r waerde eine oproop geplaats in de Forte, veur de neet kinners dit is het liefblaad van sjötterie St. Urbanus oet Neel, mit de vraog of d'r mesjiens een paar miense ware die mit Rudi inne vastelaoves tied op sjtap wolle gaon, want nao zien vertrek bie de Prinsekepel van de Katers veulde hae zich ein klein bietje allein. Toet zien grote verwonjering melde zich ein gans leger gardiste aan en toen wis hae ut zeker, hae dach bie zien eige, dao geit miene vrieje tied.
Nao de oprichtingsvergadering waerde de leeje geteld. 32 sjtöks mer leefs besjtaonde oet 20 volwassene en 12 kienjer waas ut resultaat. De veurbereidinge koste beginne, d'r mós geldj opgehaold waere om de kleijer en de medalies te betale.