|
|
|
|
't Gardedujo veur 't kòmmende sezoen is bekind. Prizzedent Rudi Kuijltjes, Secondante Sharon Meisters. Veer winse òs Gardedujo väöl sjpas en plezeer mit de vastelaovend. Kiek hiej veur de foto's en hiej veur 't filmke van Rundje Remunj bie aaflevering 281!!
Zondig aansjtaonde is 't zowiet. Vanaaf 15.11 oer geit 't nuuj vastelaovessezoen van sjtart biej De Neelder Garde.
Aad-prizzedent Bert zal opgenaome waere in 't SAP (de Sjoenkelende Aad Prizzedente). En natuurlik zal ouch dit jaor weer eine nuje Prizzedent oetgerope waere. Waem moog dit jaor met de neudige trots de sjoon vaan drage en krieg die aenjevot (prizzedentevaere) oppe sjteek gezat? En waem waerd de nuuj Secundante? Dit jaor zal d'r gein Gardemenke - of maedje oetgerope waere. Alle jeugleje zeen al aan de beurt gewaes of zeen nog neet groot genóg om baove de wage oet te sjtaeke...
Daonaeve gaon veer zondig sjtarte met de veurverkoup van de polsbendjes veur de Aaftrap 2010 op vriedig 12 fibberwari. Die waere ouch vanaaf 15.11 verkoch veur 2,50 euro 't sjtök in kefee 't Dörp. Dink draan op=op!
Veer zeen ós zondigmiddig in 't Dörp
D'r sjtaon al inkele foto's oppe site, kiek maar!!!
Oppe site van TVEllef bij rundje Remunj, sjteit ein aankondigingsfilmke en 'n filmke euver de AAFTRAP (aaflevering 201 & 202).
Zo aaf en toe kriege veer ein aafmelding van lede die krank zeen. Deze keer krege veer zelfs de bewiesfoto mit gesjtuurd. Veur degene die krank zeen, hersjtellende zeen of zelfs nog krank waere, heel väöl baetersjap en zorg det g'r mit de aaftrap weer baeter zeet!!!!
Kiek hie veur 't filmke euver óze offeseer en dan bie aaflevering 167
Kiek hie veur ein indruk van de kersmert en dan bie aaflevering 164.
Het oetrope van oze nuuje Prizzedent kint g'r bekieke in ein filmke bie TVellef. Klik hie veur 't filmfragment en dan op aaflevering 153
't Gardetriejo veur 't kòmmende sezoen is bekind. Prizzedent Bert Lucas, Secondante Rebecca Peeters en Gardemenke Remco Schuman.Veer winse òs Gardetriejo väöl sjpas en plezeer mit de vastelaovend. Klik hie veur foto's van de äöpening!!
Aansjtaonde zondig 16 november om 14.00 oer wird òs nuuj vastelaovendsezoen geäöpend. Waem zal òs nuuje Garde Triejo waere??!!??!!
Ut programma veur kómmend sezoen sjteit oppe site!!!! Dan weit g'r al ein bietje waat d'r allemaol te doon is. Sjrief 't uch maar in de agenda of oppe kelender!!
Op 18 december is Teun Kuijltjes gebaore. Zoon van oze veurzitter Rudi Kuijltjes & Nicole Gorissen.
Ut nuuje triejo van De Neelder Garde is oetgerope. Kòmmend sezoen is oze veurgènger Piet Opbroek, mit zien secondante Tiny Linssen. Ouch in 2008 höbbe veer weer ein Gardemaedje, Janine van Dongen.
Op zondig 18 november 2007 wird bie òs 't vastelaovendsezoen geäöpend!! Op deze daag wird dan ouch 't nuuje garde triejo bekind gemaak.
Ein dillegasie van DNG haet tiedes de Neelder Bontje Aovende en – middig de Gardesjlager oppe plenk gebrach. "t leedje is ein bewerking van ein bekind nummer van de Kölsche Black Föös. Jan Huyskens teikende veur de teks en ‘t geheel is muzikaal vasgelag en opgenaome door Tof Deckers. Tiedes ein echte ‘idols-aovend’ in kefee ‘t Dörp waerde op eine doordewaekse woonsdigaovend de zengers en zangeresse gekaoze. Oeteindelik zeen ‘t Wil Koelen en Monique Lucas die de 1e sjtum moge zinge. Wil is euveriges ouch de nuje Prizzedent en Monique zien Secondante. Veur de euverige sjtumme zorge Piet Opbroek, Wim Meisters, Erwin Linssen, John Schuman en Ivon Lucas. Geer kint op Mediamall onger ‘t item Aaftrap ein impressie zeen van dit nummer. DNG zal dit nummer ouch nog bringe op de Gardetref in Gelaen (4-2), de zitting van de sjtadsgarde in ‘t witte kirkske (11-2), rundje sjnaps in ‘t Dörp (19-2) en sjpek met eijer (20-2). Ouch in de soos zal tiedes die daag oos nummer veurbiej komme.
Onger leiding van de nuje kommandant Pascal Peeters zeen de gewaerdragers van ‘t pilleton bezig met ein geweldig sjpeel. D’r waerd met gewaere gedreijd, in de handj, euver de sjouwer, in de loch en vanalles en nog get. ‘t geheel is aafgeleid van de bontje aovend ek van inkele jaore geleje en waerde lets op zondigmorge veurgedaon door Sjreu en Mäös en nao ein paar blauw knäök, eine gesjneuvelde bril en get blutse hadde de gewaerdragers ‘t onger de knie. Nog neet alle Gardiste höbbe geoefend maar die kinne det nog doon tiedes de optoch in Gelaen, dae is lank zat. Veer zeen benuujd. Binne de Garde waerd noe gesjpraoke euver ein nuuje functie, de EHBO-Gardis. Dae mot dan de gewonje gewaerdragers oplappe en ‘t vermuibelde gewaer opsjoere en sjildere.
Efkes zoot de meziek en de wagekemissie is zak en as. De aafgesjpraoke wage zol besjikbaar zeen nao de leegoptoch van de donderböl. Helaas bleek det neet ‘t geval en wille zie de wage ouch inne sjtad gaon gebroeke. De Garde leut zich neet veur ein gaat vange en oze techniese man Piet haet noe eine grote vrachwage geregeld. De Garde zal noe rondjrieje met eine vrachwage vol meziek en de bekinde aanhenger met de kok, jeug en ‘t Gardemaedje. Op dees meneer zal de Garde met heel get geweld in de optoch van zich laote heure.
Veur ‘t eers zal de Gardekepel dit jaor neet marchere in de optochte van Neel en Remunj. In plaats daovan zitte en sjtaon ze oppe vrachwage. Door inkele verangeringe binne de Gardekepel is d’r eine kleine blaozersgroep geformeerd die tradisiegetroew aaj vastelaovesnummers oet Neel, Remunj en Venlo sjpele. Daonaeve zal d’r eine percussiegroep oppe wage sjtaon met gardiste die op alles houwe en rammele waat maar geluid maak. ‘t zal een swingend geheel waere met eine houp kebaal. Es de jonges en maedjes effe meug zeen, dan waerd de platesjpeler aangegooid met versjillende aaj krakers en natuurlik ouch oos eige Gardeleed 2007. Oppe resepsies en anger evenemente zal eine tradisjonele drumband voorop gaon in ‘t Gardesjpeel.
‘t LVK in Neel waas weer geweldig!. ‘t sjaelde maar ein haor of DNG waar es supporting ek van de groep van Jan Huyskens (de chanteurs) met ‘t nummer lache in Neel d’rbiej gewaes. Jan had de Garde benaderd om es achtergrondjkoor met te doon veur ‘t geval det hae in de finale zol sjtaon. Helaas besjlisde ‘’het volk’ det dit nummer neet in de finale moogde sjtaon. Helaas! Ich mot zegke det det nummer bes in plaats van de inzending van Voelender in de finale had moge sjtaon. Die ware dudelik d’r tied kwiet!. Toch sjoon det Jan met zien zengers ein plaetske oppe buun vriej wolle make veur de Garde!
|
|
|
| Powered by LogX WebSolutions |